राजीव गांधी यांच्या पुण्यतिथीनिमित्त राजभवन येथे दहशतवाद विरोधी प्रतिज्ञा

दिवंगत पंतप्रधान राजीव गांधी यांच्या अठ्ठावीसाव्या पुण्यतिथीनिमित्त मंगळवारी (दिनांक २१) राजभवन येथे सामुहिकरित्या दहशतवाद विरोधी प्रतिज्ञा घेण्यात आली.

राज्यपालांचे सचिव बी. वेणूगोपाल रेडडी यांनी राजभवनातील कर्मचारी व अधिकारी, तसेच राजभवन येथील पोलीस, राज्य राखीव पोलीस दलाचे जवान व सार्वजनिक बांधकाम विभागाचे कर्मचारी व अधिकारी यांनी दहशतवाद व हिंसाचार विरोधी प्रतिज्ञा दिली.

अहिंसा व सहिष्णुतेच्या परंपरेविषयी दृढ निष्ठा बाळगून सर्व प्रकारच्या दहशतवादाचा व हिंसाचाराचा सर्व शक्तीनिशी मुकाबला करण्याचा निर्धार यावेळी व्यक्त करण्यात आला.
यावेळी दिवंगत पंतप्रधान राजीव गांधी यांच्या प्रतिमेला पुष्पांजली वाहण्यात आली.