25.01.2022: ‘संपूर्ण वंदे मातरम्’वर आधारित नव्या सांगीतिक रचनेचे राज्यपालांच्या हस्ते प्रकाशन

25.01.2022: स्वातंत्र्याच्या अमृत महोत्सवी वर्षाचे औचित्य साधून दिवंगत गायक-संगीतकार विनायक देवराव अंभईकर यांनी संगितबद्ध केलेल्या ‘संपूर्ण वंदे मातरम्’वर आधारित नव्या सांगीतिक रचनेचे प्रकाशन राज्यपाल भगतसिंह कोश्यारी यांच्या हस्ते राजभवन येथे करण्यात आले. यावेळी संपूर्ण वंदेमातरमचे रचनेचे गायक मंदार आपटे, गायिका स्वाती आपटे व अर्चना गोरे, निर्माते नचिकेत अंभईकर, दिवंगत विनायक अंभईकर यांचे कुटुंबीय, उद्योजक रवींद्र प्रभुदेसाई, एजियाज फेडरलचे उपाध्यक्ष राजेश आजगावकर, नृत्य दिग्दर्शिका पूजा पंत, चंद्रशेखर आपटे, श्रीनिवास प्रभुदेसाई, आदी प्रामुख्याने उपस्थित होते.