07.04.2026 : राज्यपालांच्या उपस्थितीत फेडरेशन ऑफ इंडियन चेंबर्स ऑफ कॉमर्स अँड इंडस्ट्रीचा ९९ वा स्थापना दिवस संपन्न

07.04.2026 : फेडरेशन ऑफ इंडियन चेंबर्स ऑफ कॉमर्स अँड इंडस्ट्री (FICCI) या संस्थेचा ९९ वा स्थापना दिवस राज्यपाल जिष्णु देव वर्मा यांच्या प्रमुख उपस्थितीत मुंबई येथे संपन्न झाला.
यावेळी राज्यपालांच्या हस्ते फिक्कीच्या भूतपूर्व अध्यक्षांचा सत्कार करण्यात आला. महात्मा गांधी यांच्या सूचनेवरून फिक्की संस्थेची सुरुवात मुंबई येथे झाली. पुढील वर्षी फिक्की शताब्दी वर्ष साजरे करीत आहे. कार्यक्रमाला राजशिष्टाचार मंत्री जयकुमार रावल, फिक्कीचे अध्यक्ष अनंत गोयंका, फिक्कीचे वरिष्ठ उपाध्यक्ष विजय शंकर, राज्यपालांचे सचिव डॉ. प्रशांत नारनवरे, राज्यपालांचे सहसचिव एस. राममूर्ती, संस्थेच्या महासंचालक ज्योती वीज उपस्थित होते.