01.08.2026: राष्ट्रसंत तुकडोजी महाराज नागपूर विद्यापीठ परिसरात राज्यपालांनी वृक्षारोपण केले

01.08.2026: राष्ट्रसंत तुकडोजी महाराज नागपूर विद्यापीठ परिसरात आज राज्यपाल तथा राज्यातील सार्वजनिक विद्यापीठांचे कुलपती जिष्णु देव वर्मा यांच्या हस्ते वृक्षारोपण करण्यात आले. विद्यापीठाच्या जमनालाल बजाज प्रशासकीय भवनाशेजारी खुल्या परिसरात झालेल्या या वृक्षारोपण कार्यक्रमात केंद्रीय सडक परिवहन व महामार्ग मंत्री नितीन गडकरी यांनी देखील वृक्षारोपण केले. वातावरण बदलाच्या आव्हानांना तोंड देण्यासाठी केंद्र शासनाच्या वतीने नागपूर जिल्ह्यात २५ लाख वृक्ष लागवडीचा संकल्प घेण्यात आलेला आहे. यावेळी शालेय शिक्षण राज्यमंत्री डॉ. पंकज भोयर, महापौर नीता ठाकरे, आमदार मोहन मते, आमदार प्रवीण दटके, उपमहापौर लीलाताई हाथीबेड, कुलगुरु डॉ. मनाली क्षीरसागर, प्र-कुलगुरू डॉ. अखिलेश पेशवे, राज्यपालांचे सचिव डॉ. प्रशांत नारनवरे, महापालिकेच्या स्थायी समिती सभापती शिवानी दाणी, आदी उपस्थित होते.